واااااااجب وربنا يستر

بسم الله والسلام عليكم

شفتم على اخر الزمن يجيلى واجب حتى فى الاجازه لا حول ولا قوة الا بالله
يلا ربنا يسامح اللى كان السبب.
والواجب يطلع من مين؟ مين ريمان حبيبة قلبى (مدونة يوميات مظلومه)

على فكره مصرح لى الاستعانه بصديق.
نبدأ على بركة الله:
اولا: اذكر 16 صفه عن نفسك؟

اولا : انا انسانه عاديه جدا جدا جدا
ثانيا: بحب ربنا اوىىىى وكل اللى بتمناه رضا ربى عنى.
ثالثا:بحب ابى وامى وبفرح اوى لما يكونوا فى غاية الرضا عنى وبستشيرهم فى كل حاجه حتى فى ادق الامور وده لازم.
رابعا: بحب اخواتى وعلشان انا الابنه الكبرى بحاول اكون قدوه ليهم .
خامسا:بحب كل اصحابى سواء فى كلية او فى بلدى او فى التدوين ومش بحب ازعلهم ابدا.
سادسا:مش بحب اشوف حد زعلان ابدا وبحاول بقدر الامكان انى اخفف عنه حتى لو جوايه حزن كبير.
سابعا:بحب الاطفال جداااااااااا وبعرف اتعامل معاهم .
ثامنا:بحب العمل الدعوى اوى وبحاول اطور نفسى فيه.
تاسعا:بحب القرأن اوى وان شاء الله كل املى انى اختمه حفظ وبقالى جزء بسيط جدا ادعولى باى انى اختمه السنه دى.
عاشرا:انا عصبيه بس مش اوى بس وقت اللزوم وبحاول اغير فيه العيب ده, بس بيقلوا ايه " اتق شر الحليم اذا غضب"
الحادى عشر: بحب اساعد اى حد مهما ان كان هو مش بيحب لى الخير .
الثانى عشر: بسامح كتير حتى لو هاجى على نفسى** ويلا مسامحه اللى حطتنى فى الموقف ده.
الثالث عشر: متردده شويه
الرابع عشر: حساسه برضه شويه وده عيبى من زمان , وكتير حذرونى منه , بس انا كده باه ربنا يهدينى.
الخامس عشر: اكتر حاجه بتتعبنى تانيب الضمير حتى على اهيف حاجه تلاقونى باى ايه عماله كده اكلم نفسى زى.... ولا بلاش اهزأ نفسى قدامكم.
السادس عشر: لما بكون زعلانه مش بحب اعرف حد علشان مزعلوش جنبى, ولما افرح بفرح اللى حواليه.
خلاص الحمد لله 16 خلصوا مش مصدقه نفسى بصراحه انى اتكلمت عن نفسى فى 16 نقطه اصل صعب اوى ان الواحد يتكلم عن نفسه.
***************************************
السؤال الثانى: ابعت الواجب لمين؟
بصراحه انا غشيت واحده كنا بنتكلم عليها قبل اما احل الواجب
هى........
هى: جيلان _ مدونة الم.
والتانيه بقى حبيبة قلبى جدا جدا وحقيقى بحبها اوىى فى الله وتوأمى هى: نور جديد
دول اللى بالنسبه لهم اجبارى واللى عايز يجاوب بقى يجاوب.
***********************************
ولى طلب بقى عندكم معلش اصل انا استغلاليه شويه
ياريت تدعولى بظهر الغيب لان اختكم فى اشد الحاجه للدعاء.
واسال الله الهدايه.
والسلام عليكم ورحمة الله وبركاته